المباني
جابك الله من غياب ٍ ضيّـق صـدور المبانـي
قبل لا الوحشه تزعزع بيتك الصلـب وتبيـده
بيتك اللي من رحلـت وكـل جدرانـه تعانـي
ماتحمـل ينتظـر شهريـن وعيونـك بعيـده
الله العالـم لـو إنـك جيـت متأخـر ثوانـي
ماتشوف إلا بقايا من حصـاه ومـن حديـده
من عرفتك وأنت تايه من مواني لـي موانـي
وتارك ٍ قلبي مولّع مـن وقيـده فـي وقيـده
ضاعـت سنينـي أحـد بهاليالـي وتحدانـي
وأنت ماتشبع غياب ولاتخـاف مـن النقيـده
ودي أتحمـد لـك الله بالسلامـه , مامدانـي
كل ماتوصل برحلـه ترجـع برحلـه جديـده
دام تدري كل وجـه ٍ غيـر وجـه الله فانـي
ياخي أكسبلك ثواب وخاف ربـك فـي عبيـده
كان فيني عيـب قلي:فينـي العيـب الفلانـي
كان هرجي مزعلك فـي شـي قلي:لاتعيـده
عيب تصغر في عيوني وأنت برقـاب الغوانـي
كيف تستسهل طعوني وأنت خابرنـي وليـده ؟
لعنبوك أن مت بيدك من يفكك من أخوانـي ؟
لحزنوا ربعي على فرقاي شاللـي تستفيـده ؟
أنت منت اللي عشقته أنت أكيد انسـان ثانـي
ليه صرت بهالبرود وبهالاحاسيـس البليـده ؟
وين حبك للزعـل .ويـن العنـاد الأولانـي ؟
ين حنّية زمـان وفرحـة العمـر الرغيـده ؟
وين ذاك اللي اليا أقبـل مايبـات إلا بمأنـي ؟
ين راح اللي اليا أقفـى مايـروح ألا فقيـده ؟
واحد ٍ من جابـه الله بـس يامـر ويعصانـي
لوحيد اللي أخافه غصب وأمشي معـه سيـده
(مابغيت أطيـح بيـده) ليـن ماربـي بلانـي
ولا أنا لو هي بكيفي (مابغيـت أطيـح بيـده)
ذاك بس اللـي يامـن جيتـه يلخبـط كيانـي
للي بنظـره ينشـف دم قلبـي فـي وريـده
قبل أشوفه أجمع اله أحلى القصايد والمعانـي
وأن لقيته ماعرفت أقول لـي جملـه مفيـده
الف مره قبله أعـد القصيـده مـن لسانـي
لعنبوه أن جيت عنده قمت أخربـط بالقصيـده
أمدحه وأنا أدري أنـه لـو تباطانـي نسانـي
نطحه وانا أعرفه مجنـون وأفكـاره عنيـده
من يسوي بي سواتك يالرهيف الاسمرانـي ؟
نهو من الناس غيرك غلطته ترفع رصيـده ؟
من يقص(جناح طيرك)وأنت أعز أنسان جاني ؟
يه أخاف(رماح غيرك)وأنت ضرباتك سديـده ؟
ان تبعتك .أتبعك من طيبـي وواسـع بطانـي
لا أنا لاجيـت أكيـد انسـان عـزالله بكيـده
أقدر أنزع لك ثيابـي وألبـس ثيـاب الأنانـي
أقدر أطلع من عذابي والعب بـدورك وأجيـده
ومستعد أكسب رهاني لو بغيت أكسب رهانـي
أخدعك بحساس كاذب وأتحـدى مـن يصيـده
أبك أنا لي شفت خلّي حط غيري فـي مكانـي
الله إني لتركه وأن صد لعشـق سيـد سيـده
جيت مابيك تحقرني جيت أبيـك تعـز شانـي
يت أبي فزعة ظلوعك من مشاعـرك البليـده
خلني داخل (حدودك) وأجبـر بخاطـر زمانـي
كذب بباقي (وعودك) وأصدق بلحظـه سعيـده
أنتشلني من (بـرودك) لـو تولّـع بالمحانـي
طني أحساس (بوجودك) وأخذ كل اللـي تريـد
تكفى واليا قلت :تكفى بيع خلـق الله عشانـي
اتضيّع من يدينـي فرصـة العمـر الوحيـده
يعلم الله شفت منك ومـن غيابـك ماكفانـي
ان ماتقـدر تخفـف هـم قلبـي !! لاتزيـده
شف غيابك وش يسوي بالصـدور وبالمبانـي
أنت تدري كيف كانت صدمت غيابـك شديـده
والله أنك لو وصلـت البيـت متأخـر ثوانـي
مالقيت إلا بقايا مـن حصـاه ومـن حديـده
مقتطفـآإت من رِياضِ الشّاعِر : حامِدْ زيد 
العرض العادي
